Протеин S

Кандагы физиологиялык антикоагулянт — протеин Sтин деңгээлин аныктоо. Бул изилдөө тромбофилияга шек болгон бейтаптарды комплекстүү текшерүүдө колдонулат.

Канда жалпы протеин Sтин жана анын эркин формасынын деңгээлине жараша тукум куучулук жетишсиздиктин үч түрү айырмаланат:

I түрү – сандык жетишсиздик: жалпы жана эркин протеин S деңгээли төмөн;

II түрү – сапаттык жетишсиздик: жалпы жана эркин формалар нормалдуу, бирок функционалдык жетишсиздик бар;

III түрү – эркин форманын төмөндөшү, жалпы деңгээл нормалдуу.

I жана III түрлөрү эң кеңири таралган жана аларды эркин протеин S деңгээлин аныктоо аркылуу диагностикалоого болот.

Изилдөө негизинен протеин S жетишсиздигин, айрыкча тукум куучулук формасын аныктоо үчүн дайындалат. Курч тромботикалык абалды дарылоо тактикасы бул жетишсиздикке көз каранды болбосо да, аны аныктоо кийин алдын алуу чараларын жүргүзүүгө мүмкүндүк берет жана кайталап тромбоздордун коркунучун азайтат.

Изилдөө төмөнкү учурларда дайындалат: тромбофилияны комплекстүү диагностикалоодо; артериялык же веноздук тромбоздордун эпизоддору болгондо; тромбоэмболиялык асқынуулар анык себепсиз пайда болгондо, өзгөчө жаш адамдарда (50 жашка чейинки), үй-бүлөлүк мүнөздө болуп, кайра-кайра кайталанганда.

Ошондой эле кош бойлуулук учурунда тромботикалык асқынуулардын себептерин комплекстүү аныктоодо эркин протеин S деңгээлин изилдөө максатка ылайыктуу